О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю (имярек), предстоя у Престола всех Царя и наслаждаяся света единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, благостояние святых церквей утверди: архиереи благолепием святительства украси, монашествующыя к подвигом добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, пленных возврати, немощствующыя и молящияся тебе от всех напастей и бед ходатайством твоим свободи: моли о нас Всещедраго и Человеколюбиваго Христа Бога нашего, да и в день Страшнаго Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.

Боже святый и во святых почиваяй, трисвятым гласом на небеси от Ангел воспеваемый, на земли от человек во святых Своих хвалимый: давай Святым Твоим Духом комуждо благодать по мере дарования Христова, и тою поставивый Церкви Твоей святей овы Апостолы, овы пророки, овы же благовестники, овы пастыри и учители, их же словом проповеди. Тебе, Самому действующему вся во всех, мнози совершишася святии в коемждо роде и роде, различными добродетельми благоугодившии Тебе, и к Тебе нам образ добрых подвигов своих оставивше, в радости прешедшии, готови, в нем же сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми, грешному, последовати их учению, паче те Твоею вседействующею благодатию, небесныя с ними сподобатися славы, хваляще пресвятое имя Твое, Отца и Сына и Святаго Духа вовеки. Аминь.

О всечестная главо, преподобне отче преблаженне, Никито преподобномучениче!

Не забуди нищих твоих до конца, но поминай нас всегда во святых своих и благоприятных молитвах к Богу и не забуди присещати чад своих. Моли за ны, отче благий и избранниче Христов, яко имеяй дерзновение к Небесному Царю, и не премолчи за ны ко Господу, и не презри нас, верою и любовию чтущих тя.

Поминай нас, недостойных, у Престола Вседержителева и не престай молися за нас ко Христу Богу: тебе бо дана бысть благодать молитися за ны. Не мним бо тя мертва суща, аще бо и телом преставился еси от нас, но и по смерти убо жив пребываеши. Не отступай от нас духом, сохраняя и соблюдая нас от стрел вражиих и всякие прелести бесовския, заступниче и молитвенниче наш добрый.

Аще бо и мощей твоих рака пред очима нашими видима есть всегда, но святая твоя душа со ангельскими воинствы, со Бесплотными лики, с Небесными силами у Престола Вседержителя Бога достойно веселится. Ведущее убо тя воистину и по смерти жива суща, тебе припадаем, и тебе молимся, и милися деем, еже молитися о нас Всесильному Богу о пользе душ наших, и испроси нам время на покаяние и невозбранно прейти от земли на Небо и горьких мытарств, и воздушных князей, и вечныя муки избавитися нам, и Небесному Царствию наследником быти со всеми праведными от века угодившими Ему, Господу нашему Иисусу Христу.

Ему же подобает всякая слава, честь и поклонение со Безначальным Его Отцом и Святым Духом, ныне и присно и во веки веков. Аминь.

О великий угодниче Христов, добропроизвольный страдальче, новопросиявый чудесы, отче наш Иринарше. Российстей земли удобрение, граду Ростову похвало, обители сей велие украшение и утверждение!

Кто не удивится твоему самопроизвольному и долголетнему страдальческому терпению: тридесять бо лет в тесней и хладней хижине себе заключил еси, хлад, алчбу и изнурение плоти Царствия ради Небеснаго понесл еси, к сему же и изгнание из обители, по наваждению вражию, безропотно претерпел еси. Вемы же, яко посреди умолен быв от братии, яко незлобивый агнец, паки в обитель твою возвратился еси и в туюдже хижину вселился еси, яко адамант твердый, на невидимая бесовская полчища и видимая враги твоя терпением себе вооружив.

Егда же попущением Божиим наидоша на обитель сию польстии ратницы, сих не убоялся еси смертнаго прещения, но уцеломудрився словом, во своя си возвратитися сотворил еси. Сего ради Всеблагий Бог, видя твою веру и страдальческое долготерпение, дар прозорливства и исцеления тебе дарова: бесным бо исцеление, хромым доброхождение, слепым прозрение подавал еси, и иная многая с верою к тебе приходящым во благо даже доднесь чудодействуеши.

Мы же, недостойнии, таковая чудеса видяще и радости исполняющеся, взываем к тебе сице: радуйся, доблественный страдальче и бесов победителю, радуйся, скорый наш помощниче и теплый к Богу молитвенниче. Услыши убо и нас, грешных, молящихся тебе и прибегающих под кров твой: яви милостивное предстательство твое о нас ко Всевышнему и исходатайствуй твоими богоприятными молитвами вся полезная ко спасению душ и телес наших, сохрани святую обитель сию, всякий град и весь и всякую страну христианскую от всех наветов вражиих, в скорбех же и болезнех наших подавай нам руку помощи, да твоим ходатайством и заступлением, благодатию же и милосердием Христа Бога нашего, избавимся и мы, недостойнии, по отшествии от жития сего, шуияго стояния, и да сподобимся деснаго со всеми святыми во веки веков. Аминь.

Тебе, Богу и Творцу моему, в Троице Святей славимому Отцу, и Сыну, и Святому Духу, поклоняюся и вручаю душу и тело мое, и молюся: Ты мя благослови, Ты мя помилуй, и от всякаго мирскаго, диавольскаго и телеснаго зла избави. И даждь в мире без греха прейти день сей, в Славу Твою, и во спасение души моея. Аминь.

Слава Тебе, Царю, Боже Вседержителю, Иже Божественным Твоим и человеколюбным промыслом, сподобил мя еси, грешнаго и недостойнаго, от сна восстати и получити вход святаго дому Твоего: приими, Господи, и глас моления моего, якоже святых и умных Твоих сил, и благоволи сердцем чистым, и духом смиренным приносити Тебе хвалу от скверных устен моих, яко да и аз общник буду мудрым девам, со светлою свещею души моея, и славлю Тя во Отце и Духе славимаго Бога Слова. Аминь.

Всесвятая Троице, Боже и Содетелю всего мира, поспеши и направи сердце мое, начати с разумом и кончати делы благими богодухновенныя сия книги, яже Святый Дух усты Давидовы отрыгну, ихже ныне хощу глаголати аз, недостойный, разумея же свое невежество, припадая, молюся Ти, и еже от Тебе помощи прося: Господи, управи ум мой и утверди сердце мое, не о глаголании устен стужати си, но о разуме глаголемых веселитися, и приготовитися на творение добрых дел, яже учуся, и глаголю: да добрыми делы просвещен, на судищи десныя Ти страны причастник буду со всеми избранными Твоими. И ныне, Владыко, благослови, да, воздохнув от сердца, и языком воспою, глаголя сице:

Приидите, поклонимся Цареви нашему Богу.

Приидите, поклонимся и припадем Христу, Цареви нашему Богу.

Приидите, поклонимся и припадем Самому Христу, Цареви и Богу нашему.

Таже постой мало, дондеже утишатся вся чувства. Тогда сотвори начало не вскоре, без лености, со умилением и сокрушенным сердцем. Рцы сие: «Блажен муж…» тихо и разумно, со вниманием, а не борзяся, якоже и умом разумевати глаголемая.

Разумно да будет, како подобает особь пети Псалтирь.

Аще иерей глаголет: Благословен Бог наш, всегда, ныне и присно и во веки веков.

Аще ли ни, глаголи умиленно: Молитвами святых отец наших, Господи Иисусе Христе Боже наш, помилуй нас. Аминь.

Царю Небесный… Трисвятое. И по Отче наш…

Тропари сия, глас 6:

Помилуй нас, Господи, помилуй нас, всякаго бо ответа недоумеюще, сию Ти молитву яко Владыце грешнии приносим: помилуй нас.

Слава: Честное пророка Твоего, Господи, торжество, Небо Церковь показа, с человеки ликуют Ангели. Того молитвами, Христе Боже, в мире управи живот наш, да поем Ти: Аллилуиа.

И ныне: Многая множества моих, Богородице, прегрешений, к Тебе прибегох, Чистая, спасения требуя, посети немощствующую мою душу и моли Сына Твоего и Бога нашего дати ми оставление, яже содеях лютых, Едина Благословенная.

Господи, помилуй (40). И поклонися, елико ти мощно.

Бог богов Господь глагола и призва землю от восток солнца до запад. От Сиона благолепие красоты Его. Бог яве приидет, Бог наш, и не премолчит: огнь пред Ним возгорится, и окрест Его буря зельна. Призовет Небо свыше и землю разсудити люди Своя. Соберите Ему преподобныя Его, завещающыя завет Его о жертвах. И возвестят небеса правду Его, яко Бог Судия есть. Услышите, людие Мои, и возглаголю вам, Израилю, и засвидетельствую тебе: Бог, Бог, твой есмь Аз. Не о жертвах твоих обличу тя, всесожжения же твоя предо Мною суть выну. Не прииму от дому твоего тельцов, ниже от стад твоих козлов. Яко Мои суть вси зверие дубравнии, скоти в горах и волове. Познах вся птицы небесныя, и красота сельная со Мною есть. Аще взалчу, не реку тебе: Моя бо есть вселенная и исполнение ея. Еда ям мяса юнча или кровь козлов пию? Пожри Богови жертву хвалы и воздаждь Вышнему молитвы твоя. И призови Мя в день скорби твоея, и изму тя, и прославиши Мя. Грешнику же рече Бог: вскую ты поведаеши оправдания Моя и восприемлеши завет Мой усты твоими? Ты же возненавидел еси наказание и отвергл еси словеса Моя вспять. Аще видел еси татя, текл еси с ним, и с прелюбодеем участие твое полагал еси. Уста твоя умножиша злобу, и язык твой полагал сплеташе льщения. Седя, на брата твоего клеветал еси и на сына матере твоея полагал еси соблазн. Сия сотворил еси, и умолчах, вознепщевал еси беззаконие, яко буду тебе подобен. Обличу тя и представлю пред лицем твоим грехи твоя. Разумейте убо сия, забывающии Бога, да не когда похитит, и не будет избавляяй. Жертва хвалы прославит Мя, и тамо путь, имже явлю ему спасение Мое.

Боже, во имя Твое спаси мя и в силе Твоей суди ми. Боже, услыши молитву мою, внуши глаголы уст моих. Яко чуждии восташа на мя и крепцыи взыскаша душу мою, и не предложиша Бога пред собою. Се бо Бог помогает ми, и Господь Заступник души моей. Отвратит злая врагом моим, истиною Твоею потреби их. Волею пожру Тебе, исповемся имени Твоему, Господи, яко благо, яко от всякия печали избавил мя еси, и на враги моя воззре око мое.

Изми мя от враг моих, Боже, и от востающих на мя избави мя. Избави мя от делающих беззаконие и от муж кровей спаси мя. Яко се уловиша душу мою, нападоша на мя крепцыи, ниже беззаконие мое, ниже грех мой, Господи. Без беззакония текох и исправих, востани в сретение мое и виждь. И Ты, Господи Боже сил, Боже Израилев, вонми посетити вся языки, да не ущедриши вся делающыя беззаконие. Возвратятся на вечер и взалчут, яко пес, и обыдут град. Се тии отвещают усты своими, и меч во устнах их, яко кто слыша? И Ты, Господи, посмеешися им, уничижиши вся языки. Державу мою к Тебе сохраню, яко Ты, Боже, Заступник мой еси. Бог мой, милость Его предварит мя, Бог мой, явит мне на вразех моих. Не убий их, да не когда забудут закон Твой, расточи я силою Твоею и низведи я, Защитниче мой, Господи. Грех уст их, слово устен их, и яти да будут в гордыни своей, и от клятвы и лжи возвестятся в кончине. Во гневе кончины, и не будут и уведят, яко Бог владычествует Иаковом и концы земли. Возвратятся на вечер, и взалчут, яко пес, и обыдут град. Тии разыдутся ясти. Аще ли же не насытятся, и поропщут. Аз же воспою силу Твою и возрадуюся заутра о милости Твоей, яко был еси Заступник мой и Прибежище мое в день скорби моея. Помощник мой еси, Тебе пою: яко Бог Заступник мой еси, Боже мой, милость моя.

Услыши, Боже, глас мой, внегда молити ми ся к Тебе, от страха вражия изми душу мою. Покрый мя от сонма лукавнующих, от множества делающих неправду. Иже изостриша, яко мечь, языки своя, напрягоша лук свой, вещь горьку, состреляти в тайных непорочна, внезапу состреляют его и не убоятся. Утвердиша себе слово лукавое, поведаша скрыти сеть, реша: кто узрит их? Испыташа беззаконие, исчезоша испытающии испытания, приступит человек, и сердце глубоко, и вознесется Бог. Стрелы младенец быша язвы их, и убояся всяк человек, и возвестиша дела Божия, и творения Его разумеша. Возвеселится праведник о Господе и уповает на Него, и похвалятся вси правии сердцем.

Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходящия, от сряща, и беса полуденнаго. Падет от страны твоея тысяща, и тма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его, и прославлю его, долготою дней исполню его, и явлю ему спасение Мое.

Господи, воззвах к Тебе, услыши мя: вонми гласу моления моего, внегда воззвати ми к Тебе. Да исправится молитва моя, яко кадило пред Тобою, воздеяние руку моею – жертва вечерняя. Положи, Господи, хранение устом моим, и дверь ограждения о устнах моих. Не уклони сердце мое в словеса лукавствия, непщевати вины о гресех, с человеки делающими беззаконие, и не сочтуся со избранными их. Накажет мя праведник милостию и обличит мя, елей же грешнаго да не намастит главы моея, яко еще и молитва моя во благоволениих их. Пожертвы быша при камени судии их: услышатся глаголи мои, яко возмогоша. Яко толща земли проседеся на земли, расточишася кости их при аде. Яко к Тебе, Господи, Господи, очи мои: на Тя уповах, не отыми душу мою. Сохрани мя от сети, юже составиша ми, и от соблазн делающих беззаконие. Падут во мрежу свою грешницы: един есмь аз, дондеже прейду.

Бог нам Прибежище и Сила, Помощник в скорбех, обретших ны зело. Сего ради не убоимся, внегда смущается земля и прелагаются горы в сердца морская. Возшумеша и смятошася воды их, смятошася горы крепостию Его. Речная устремления веселят град Божий: освятил есть селение Свое Вышний. Бог посреде его, и не подвижится: поможет ему Бог утро заутра. Смятошася языцы, уклонишася царствия: даде глас Свой Вышний, подвижеся земля. Господь сил с нами, Заступник наш Бог Иаковль. Приидите и видите дела Божия, яже положи чудеса за земли: отъемля брани до конец земли, лук сокрушит и сломит оружие, и щиты сожжет огнем. Упразднитеся и разумейте, яко Аз есмь Бог: вознесуся во языцех, вознесуся на земли. Господь сил с нами, Заступник наш Бог Иаковль.

Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут, яко тает воск от лица огня, тако да погибнут грешницы от лица Божия, а праведницы да возвеселятся, да возрадуются пред Богом, да насладятся в веселии.

Воспойте Богу, пойте имени Его, путесотворите возшедшему на запады, Господь имя Ему, и радуйтеся пред Ним. Да смятутся от лица Его, Отца сирых и Судии вдовиц: Бог в месте святем Своем. Бог вселяет единомысленныя в дом, изводя окованныя мужеством, такожде преогорчевающыя живущыя во гробех. Боже, внегда исходити Тебе пред людьми Твоими, внегда мимоходити Тебе в пустыни, земля потрясеся, ибо небеса кануша от лица Бога Синаина, от лица Бога Израилева. Дождь волен отлучиши, Боже, достоянию Твоему и изнеможе, Ты же совершил еси е. Животная Твоя живут на ней, уготовал еси благостию Твоею нищему, Боже. Господь даст глагол благовествующым силою многою. Царь сил возлюбленнаго, красотою дому разделити корысти. Аще поспите посреде предел, криле голубине посребрене, и междорамия ея в блещании злата. Внегда разнствит Небесный цари на ней, оснежатся в Селмоне. Гора Божия, гора тучная, гора усыренная, гора тучная. Вскую непщуете горы усыренныя? Гора, юже благоволи Бог жити в ней, ибо Господь вселится до конца. Колесница Божия тмами тем, тысяща гобзующих, Господь в них в Синаи во святем. Возшел еси на высоту, пленил еси плен, приял еси даяния в человецех, ибо не покаряющыяся, еже вселитися. Господь Бог благословен, благословен Господь день дне, поспешит нам Бог спасений наших. Бог наш, Бог еже спасати, и Господня, Господня исходища смертная. Обаче Бог сокрушит главы врагов Своих, верх влас преходящих в прегрешениих своих. Рече Господь: от Васана обращу, обращу во глубинах морских. Яко да омочится нога твоя в крови, язык пес твоих, от враг от него. Видена быша шествия Твоя, Боже, шествия Бога моего Царя, Иже во святем, предвариша князи близ поющих, посреде дев тимпанниц. В церквах благословите Бога, Господа от источник Израилевых. Тамо Вениамин юнейший во ужасе, князи Иудовы владыки их, князи Завулони, князи Неффалимли.

Заповеждь, Боже, силою Твоею, укрепи, Боже, сие, еже соделал еси в нас. От храма Твоего во Иерусалим Тебе принесут царие дары. Запрети зверем тростным, сонм юнец в юницах людских, еже затворити искушенныя сребром, расточи языки хотящыя бранем. Приидут молитвенницы от Египта, Ефиопия предварит руку свою к Богу. Царства земная, пойте Богу, воспойте Господеви, возшедшему на Небо небесе на востоки, се даст гласу Своему глас силы. Дадите славу Богови, на Израили велелепота Его, и сила Его на облацех. Дивен Бог во святых Своих, Бог Израилев: Той даст силу и державу людем Своим, благословен Бог.

Псково-Печерская икона Богоматери «Умиление» известна с 1524 года. Находится она в Псково-Печерском монастыре в Михайловском храме и прославилась вместе с иконою Успения в 1581 году, во время осады Пскова польским королем Стефаном Баторием.

Празднество этому образу в день 7 октября установлено в память избавления Пскова от нашествия французов в 1812 году. Празднование иконе совершается также 21 мая, 23 июня и 26 августа.

О Преблагословенная Дево Богородице Владычице! Мати всех страждущих и болезнующих сердцем! Страны нашея и града Защитнице! Обители Псково-Печерския красото и славо! Призри на нас смиренных, обремененных грехи многими, отягченных скорбьми и печалями, и с сокрушением и слезами взирающих на пречистый лик Твой, в чудотворней иконе явленный. Сохрани от всякаго зла святую обитель сию, юже преподобный Корнилий со старцы Марком и Ионою Тебе вручи и всех в вере и надежде подвизающихся в ней. Спаси и град сей, и вся люди, правомерно живущия и к Тебе прибегающия, от нашествия иноплеменных, от всякаго страха и труса, от мора и глада, от злых человек и всяческой скорби. Приникни к нам милосердием Твоим, яко ликом Твоим Божественным любезно приникла еси к ланите Богомладенца. Согрей нас дыханием Твоея любве и никогдаже отступай от нас, ни в сей жизни, ни в будущей, да чающе Твою всесильную Материнскую помощь, сподобимся безбедно дойти вечныя жизни и прославлять Небеснаго Отца и Святаго Духа в Троице славимаго Бога, во веки веков. Аминь.

В селе Балыкине, Стародубского уезда, Черниговской губернии, в церкви Святого Николая, находилась святочтимая икона Божией Матери, которая по месту своего пребывания называется Балыкинскою. Сия икона писана на холсте, приклеенном к доске, малороссийским письмом. Матерь Божия изображена взирающей на Предвечнаго Младенца, Который лежит на Ее коленях.

Явление этой чудотворной иконы последовало в селе Балыкине 30 июня 1711 года. Она прославилась многими исцелениями больных, которые стекаются сюда со всех мест.

Кроме 30 июня, ей совершается празднование в первую пятницу после Пасхи.

Некогда от шведов град Твой защитившая, о, Мати Божия, милосердие нам явила еси, праведный гнев и прещение Божие от земли Российския отвративши, и тако во области северстей Твоего всечестнаго лика образ прославила еси, видимыя слезы о прадедах наших, от супостат воюемых, изливающи. Таже здравие слепым и бесным от сея иконы многажди подавала еси, и предстательством Твоим мор на человеки бывший и язю на скоты пришедшую прекратила еси. Ты и ныне струи милосердия всем с несумненною верою во Твою всесильную помощь прибегающым изливаеши. Вонми убо молению нашему, и путь нашего земнаго скитания управи, в жизнь вечную сей приводящи. Темже и люди церковныя от сетей лжепророков и лжеучителей, вземлющихся на разум Божий, сохрани, и всем нам чистоту помышлений подаждь. Аще бо слезы и моления наша не довлеют прегрешений наших очистити, но к сим да приложится Твое всесильное предстательство, на неже уповающе, воспеваем Отца и Сына и Святаго Духа, ныне и присно и во веки веков. Аминь.

Явление Тихвинской иконы произошло в 1383 году. Предание говорит, что ранее эта икона находилась в Царьграде, куда была принесена в V веке императрицей Евдокией из Иерусалима. За семьдесят лет до падения Царьграда икона чудесным образом перешла в Новгородскую область.

Как-то на Ладожском озере рыбаки закидывали сети, когда перед ними неожиданно появился необыкновенный свет. В воздухе над водой двигалась икона Богоматери с Предвечным Младенцем на левой руке. Икона прошла над рыбаками и явилась в 30 верстах от озера. Несколько раз она перемещалась в различные места, пока не избрала для себя место близ Тихвина.

Повелением Ивана Грозного, после его посещения Тихвина для поклонения чудотворной иконе, там был устроен мужской монастырь. Икона была прославлена различными чудесами: исцелениями бесноватых, прозрением слепых, особенно прибегают к ней при болезнях детей. Замечательно то, что одна из рук Богоматери отличается необыкновенною теплотою, весьма ощутимой для губ при прикладывании.

Явление этой иконы празднуется 26 июня.

О Пресвятая Дево, Мати Господа вышних сил, Небесе и земли Царице, града и страны нашея всемощная Заступнице.

Приими хвалебноблагодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим и пробавит благость Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей: услыши нас, молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругам любовь и согласие, чадам послушание, обидимым терпение, обидящих страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя: разсеянныя собери, заблудшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, во стране земнаго пришельствия и на страшном суде Сына Твоего, преставльшыяся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори.

Ты бо еси, Госпоже, слава небесных и упование земных, Ты по Бозе наша Надежда и Заступница всех притекающих к Тебе с верою. Тебе убо молимся, и Тебе, яко Всемогущей Помощнице, сами себе и друг другу и весь живот наш предаем, ныне и присно и во веки веков. Аминь.

Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниих Твоих, яже показала еси роду человеческому, наипаче же нам, христоименитым людем российскаго народа, о нихже ниже самый Ангельский язык к похвалению доволен будет, якоже и ныне удивила еси неизреченную Свою милость на нас, недостойных рабех Твоих, преестественным самопришествием пречестныя Твоея иконы, еюже всю просветила еси Российскую страну, темже и мы, грешнии, со страхом и радостию поклоняющеся, вопием Ти: о Пресвятая Дево, Царице и Богородице, спаси и помилуй архиереи же и вся люди, и подаждь им победы на вся враги их, и сохрани царствующия грады, и вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и поклоняющимся пресвятому образу Твоему: яко благословенна еси с рождшимся от Тебе Сыном и Богом, ныне и присно и во веки веков. Аминь.

В начале 19-го столетия на Афоне проводил иноческую жизнь замечательный подвижник Константин Феодул, у которого находился чудотворный образ Богородицы, написанный полтора века тому назад. После смерти старца образ перешел к его ученику старцу Мартиниану, пришедшему на Афон в 1821 году.

Впервые прославилась эта икона во время нашествия саранчи на поля местных жителей. После крестного хода и молебна внезапно налетело множество птиц, которые бросились на насекомых. Саранча поднялась такой густой массой, что заслонила солнечный свет.

Число чудес, исходящих от иконы, привлекало к ней внимание людей. Старец, желая скрыться от суеты, ушел в горы. Но Богородица в видении повелела ему идти служить людям и не скрывать от них Ее чудотворного образа. От иконы получали исцеление бесноватые и другие страждущие различными болезнями.

Первое празднование этому образу по перенесении его в Новоафонский монастырь было совершено 17 октября 1889 года.

О Мати Божия, помоще и защито наша, егда попросим, буди избавительница наша, на Тя уповаем и всегда вседушно Тя призываем: умилосердися и помози, пожалей и избави, приклони ухо Твое и наша скорбныя и слезныя молитвы приими, и якоже хощеши, успокой и обрадуй нас, любящих Твоего Безначальнаго Сына и Бога нашего. Аминь.

Чудотворный образ Богоматери, именуемый Ильинским Черниговским, находится в Троицком Ильинском монастыре, на Болдиной горе, недалеко от Чернигова. Икону эту написал в 1658 году монах Геннадий Константинович, живописец Дубенский, в мире носивший имя Григория.

В 1662 году произошло знаменательное событие. Все жители Чернигова были свидетелями того, что в продолжение 8 дней, с 16 по 24 апреля, от Ильинской иконы Богоматери текли слезы. Ильинская Черниговская икона Богоматери прославилась многими дивными чудесами и исцелениями. Древние чудеса сей иконы описаны двумя великими святителями русской церкви – Блаженным Иоанном Максимовичем и св. Димитрием, епископом Ростовским.

Ныне чудотворная икона Богоматери находится в Свято-Троицкой церкви Ильинского монастыря. Внизу помещены три финифтяные дощечки с надписями о явлении и первых чудесах иконы.

Празднование чудотворному образу Богоматери Ильинскому Черниговскому совершается 16 апреля.

О Пресвятая Госпоже, Владычице моя Богородице, Небесная Царице, спаси и помилуй мя, грешнаго раба Твоего, от напрасныя клеветы, от всякия беды и напасти и внезапныя смерти. Помилуй мя в дневных часех, и утренних, и вечерних, и во всякое время сохрани мя: стояща, седяща соблюди, и на всяком пути ходяща, и в нощных часех спяща снабди, покрый и заступи. Защити мя, Владычице Богородице, от всех враг моих, видимых и невидимых, и от всякаго злаго обстояния. На всяком месте и на всякое время буди ми, Мати Преблагая, необоримая стена и крепкое Заступление.

О, Пресвятая Госпоже, Владычице Дево Богородице, приими недостойную молитву мою и сохрани мя от напрасныя смерти, и даруй ми прежде конца покаяние.

Пресвятая Богородице, спаси нас. Ты мне Хранительница жизни всей явися, Пречистая! Ты мене избави от бесов в час смерти! Ты и по смерти упокой!

Под Твою милость прибегаем, Богородице Дево, молений наших не презри в скорбех, но от бед избави нас, Едина Чистая и Благословенная. Пресвятая Богородице, спаси нас. Аминь.

Черниговская Гефсиманская икона находится в пещерной церкви Гефсиманского скита, близ Троице-Сергиевой лавры. Эта икона дана вкладом в пещерный храм Архистратига Михаила девицею Александрою Григорьевной Филипповой, которая получила ее от священника Хотьковского монастыря Иоанна Алексеева в 1826 году.

Черниговская Гефсиманская икона писана на полотне в 18-м столетии и представляет из себя точный список с Черниговской Ильинской иконы, но размером она больше подлинника.

Чудесное прославление иконы началось почти сразу же, и много чудес от нее истекало. Драгоценные украшения и различные привязки на иконе, а также громадные многочисленные здания, воздвигнутые над пещерами по усердию верующих, облагодетельствованных чудесною помощью Богоматери, являются самыми красноречивыми свидетелями бесчисленных чудес, сотворившихся здесь от Ея дивной иконы.

Празднование этой иконе совершается 1 сентября и 16 апреля.

О Пресвятая Дево! Мати Христа Бога нашего, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся Пречистому образу Твоему: се бо, грехми погружаеми и скорбьми обуреваеми, взирая на Твой образ, яко живей Ти с нами, приносим смиренныя моления наша, не имамы бо иныя помощи, ни инаго предстательства и утешения, токмо Тебе, о Мати всех скорбящих и обремененных. Помози нам, немощным, утоли скорбь нашу, настави на путь правый нас, заблудших, уврачуй болезненные сердца наша и спаси безнадежных. Даруй нам прочее время живота нашего в мире и покаянии проводити, подаждь христианскую кончину, и на страшнем суде Сына Твоего явися нам милосердная Предстательница, да всегда поем, величаем и славим Тя, Благую Заступницу рода христианского, со всеми угодившими Богу. Аминь.

Коневская икона Божией Матери принесена в Россию с Афона преподобным Арсением Коневским в 1393 году и находилась в Коневском мужском монастыре на одном из островов Ладожского озера. Этой иконой благословил его в путь и на выполнение благочестивого намерения создать обитель в честь Пресвятой Богородицы афонский старец Иоанн Зидон. Чудесная помощь Богоматери была явлена Арсению при самом начале поселения на острове, и в дальнейшем от нее было множество знамений и исцелений.

День празднования этой иконе установлен 10 июля.

О Всемилостивая Госпоже Дево Богородице! Вонми смиренному молению моему и сокрушенно ныне предстоящаго образу Твоему услыши глас. Вем бо, о Содетеля моего Мати, яко Ты предстательство христиан непостыдное и ходатайство ко Творцу непреложное. Вем и сие, яко беззакония моя превзыдоша главу мою и, яко бремя тяжкое, отяготеша на мне, и уже несмь достоин видети высоту Небесную, ниже воззрети ко Престолу славы Сына Твоего и Бога нашего, но достоин мук и вечнаго осуждения. Сего ради к Тебе (со Предстоящим купно) припадаю, Тя прошу умиленно, к Тебе со слезами взываю: сотвори к Нему Матернее Твое моление, да не отвержет нас, грешных, от лица Своего, но, яко Милостив, да простит нам согрешения наша вольная и невольная, на путь спасения наставляя нас и свыше силою укрепляя к творению заповедей Своих святых. Да сохранит нас от соблазнов мира, от вожделений греховных, от козней диавольских и от нападения видимых врагов. Да благословит дела рук наших, подавая обители сей и всякому граду и стране обилие благ земных, да сотворит нам дни благи и безмятежны, да оградит миром Церковь Свою Святую и разстоящая да соединит той, яко Благ Господь, Долготерпелив и Многомилостив, от всея твари со Отцем и Святым Духом славимый во веки веков. Аминь.

О великий страстотерпче Христов и Чудотворце великомучениче Никито! Припадающе к святому и чудотворному образу твоему, подвиги же и чудеса твоя и многое сострадание твое к людем прославляюще, молим тя прилежно: яви нам смиренным и грешным святое и многомощное твое заступление: се бо грех наших ради не имамы свободы чад Божиих, еще потребах наших Господа и Владыку нашего дерзновенно просити: но тебе молитвенника к Нему благоприятнаго предлагаем и о твоем предстательстве взываем: испроси нам у Господа благопотребныя дары душам и телесем нашим: веру правую, спасения надежду несомненную, любовь же ко всем нелицемерную, во искушениях мужество, в злостраданиях терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и благочестное на земли житие, христианскую жития кончину и добрый ответ на Страшнем Судищи Христовем. Еще же, о страстотерпче Христов, у Царя Небеснаго испроси благочестивому народу нашему мир, здравие и спасение, и на враги победу и одоление, всей же богохранимой стране нашея благоустроение, тишину и благоденствие. Христолюбивому воинству буди соратай и помощник на враги и всем людем православным яви твое святое заступление: болящия исцели, скорбящия утеши, бедствующим помоги: Ей, угодниче Божий, и мучениче долготерпеливый! Не забуди святую обитель твою и вся живущыя в ней и подвизающияся инокини же и мирския, но поспеши им в смирении и терпении носити иго Христово, и от всяких бед и искушений милостивне избави. Всех убо нас приведи в тихое пристанище спасения и наследники сподоби быти пресветлаго Царствия Христова святыми твоими молитвами: да славим и поем великия щедроты Отца и Сына и Святаго Духа, в Троице славимаго и покланяемаго Бога и твое святое заступление во веки веков. Аминь.

К тебе, яко скорому и избранному спасения нашего ходатаю, богоизбранному воеводе, оружием креста враги победившему, великомучениче Никито, вседушно прибегаем: не отвратися от нашея нищеты, молению нашему внемли, и от бед нас и обитель сию сохрани. Простри руку твою, скорую помощь подающую. Управи ум наш от пагубоносных разсеяний, и сердца наша оскверненная очисти, освяти и горе имети утверди.

От враг видимых и невидимых нас храни, да над страстьми победители явимся, творяще святыню во страсе Господни, и всякое уныние поправше, радоватися о Господе начнем; и тако твоими ходатайствы, во смирении и простоте сердца, сподобимся до последнего издыхания боголепно Отца и Сына и Святаго Духа воспевати и твоя боговенчанныя подвиги и чудеса прославляти во веки веков. Аминь.

О, святый угодниче Божий священномучениче Киприане, скорый помощниче и молитвенниче всем к Тебе прибегающим. Приими от нас, недостойных, хваление наше, испроси у Господа Бога в немощех укрепление, в печалех утешение и всем вся полезная в жизни нашей, вознеси ко Господу благомощную Твою молитву, да оградит нас от падений наших греховных, да научит нас истинному покаянию, да избавит нас от пленения диавольского и всякаго действа духов нечистых, и избавит от обидящих нас. Буди нам крепкий поборник на вся враги видимая и невидимая. Подаждь нам терпение в искушениях, и в час кончины нашея яви нам заступление от истязателей на воздушных мытарствах наших. Да водимии Тобой, достигнем горнего Иерусалима и сподобимся в Небеснем Царствии со всеми святыми славити и воспевати Пресвятое имя Отца, и Сына, и Святаго Духа во веки веков. Аминь.

Пс. 6. Чтобы освободил Бог человека от чар.

Пс. 8. О тех, кто потерпел зло от демонов.

Пс. 9. Чтобы прекратились устрашения демонов во сне или фантазии днем.

Пс. 24. О тех, которым очень завидует искуситель и постоянно приносит им искушения, чтобы возроптали.

Пс. 33. Находящимся при смерти, когда мучаются от диавола.

Пс. 45. О молодых, которым враг, по зависти, препятствует создать семью.

Пс. 57. Чтобы пришли благоприятные обстоятельства тем, кто действует для добра, чтобы помешал Бог всякому лукавому действию демонов или завистливых людей.

Пс. 65. Чтобы лукавый не приносил искушения в дома и скорби семьям.

Пс.70. Об оставленных людях, которые бывают обременены по зависти диавола и приходят в отчаяние, чтобы обрели милость у Бога.

Пс. 90. Чтобы исчез диавол, когда он является человеку или его пугает.

Пс. 94. Чтобы не коснулось колдовство супругов, дабы не создались проблемы и трения.

Пс. 96. Чтобы ушло колдовство от людей.

Пс. 121. Об исцелении людей, страдающих от сглаза.

Заклинаю тя, злоначальника хульнаго, начальника сопротивнаго восстания. И самодетеля лукавства, заклинаю тя, низверженнаго от горняго светоношения, и во тьму глубины низведенного возношения ради, заклинаю тя, и всю ниспадшую силу последовательную твоего произволения.

Заклинаю тя, душе нечистый, Богом Саваофом и всем воинством Ангел Божих, Адона Элои, Бога Вседержителя, изыди и разлучися от раба (рабы) Божия (имя больного человека): заклинаю тя Богом, словом вся создавшим, и Господом Нашим Иисусом Христом, единородным Сыном его, прежде век неизреченно, и безстрастно от него рожденным, видимую же и невидимую тварь соделавшим, по образу своему человека создавшим, законом первое естественно сея детоводившим, и ангельским приставлением сохраншим, водою согрешение выше потопившим, и поднебесныя бездны разустившим, и гиганты нечествовавшия растлевшим. И столп скверных разстрясшим, и землю Содомом и Гоморров огнем жупельным испепелившим, его же свидетель дым неугасимый курится: жезлом море раздельшим, и люди ногами немокрыми проведшим, и мучителя фараона, и воинство богоборное, во веки волнами нечестия брань потопившим: в последняя от Девы чистыя воплотившимся неизреченно, и целы печати чистоты сохранившим: омыти крещением древнюю нашу скверну благо изволившим, еюже мы преступлением осквернихомся.

Заклинаю тя крестившимся во Иордане, и образ нам нетления в воде по благодати подавшим: его же ангелы и вся силы небесныя удивишася, воплощенна Бога смирившагося зряще: егда безначальный Отец, безначальное рождество сыновнее откры, и Святаго Духа схождение, троическое единство свидетельствова.

Заклинаю тя оным, ветру запретившим, и бурю морскую укротившим, полк демонский отгнавшим, и зеницы очныя от утробы лишенныя, брением слепые прозрети соделавшым и древнее рода нашего создание обновившим, и немыя глаголати исправившим, струпы проказ очистившим, и мертвыя от гробов воскресившим, даже до погребения человеком беседовавшим, и аде восстанием пленившим, и все человечество необъято смертию устроившим.

Заклинаю тя Богом Вседержителем, богодухновенным гласом человеки вдохнувшим, и апостолом содействовавшим, и всю вселенную благочестия исполнившим: убойся, бежи, разлучися демоны нечистый и скверный, преисподний, глубинный, льстивый, безобразный, видимый безстудия ради, невидимый лицемерия ради, и деже аще еси, или отидеши: или сам еси веелзевул, или сотрясаясь, или змиевидный, или звероличный, или яко пара, или яко птица, или нощеглагольник, или глухий, или немый, или от нашествия устрашаяй, или растерзаяй, или наветуяй, или во сне тяжце, или в недузе, или в язве, или в смесе скоктаяй, или слезы любосластныя творяяй, или блудный, или злосмрадный, или похотный, или сластотворный, или отраволюбивый, или любонеистовый, или звездоволхвуяй, или домоволшебник, или безстудный, или любопрительный, или непостоянный, или с месяцем пременяяйся, или временем неким сообращаяйся, или утренний, или полуденный, или полуночный, или безгодия некоего, или блистания, или по случаю сретился еси, или от кого послан еси, или нашел еси внезапу, или в мори, или в реце, или от земли, или из кладязя, или от стремнины, или от рова, или от езера, или от трости, или от вещества, или от верху земли, или от скверны, или от луга, или от леса, или от древа, или от птиц, или от грома, или от покрова баннаго, или от купели водны, или от гроба идольскаго, или отнюдуже вемы, или не вемы, или от знаемых, или от незнаемых, и от непосещаемаго места, отлучися и преминися, устыдися образа рукою Божиею созданнаго, и воображеннаго: убойся воплощеннаго Бога подобия, и не сокрыйся в рабе Божием (Божией) (имя) во жезл железный, и пещь огненныя, и тартар, и скрежет зубней, отмщение преслушания тебе ожидает. Убойся, умолкни, бежи, невозвратися, нисокрыйся со инем лукавством нечистых духов: но отиди в землю безводную, пустую, неделанную, на нейже человек не обитает: Бог един презирает связаяй всех уязвляющих, и слосоветующих на образ его, и веригами мрака, тартару предавый, в долгую нощь и день, тебе, всех злых искусителя и изобретателя диавола. Яко велий есть страх Божий, и велия слава Отца и Сына и Святаго Духа, ныне и присно и во веки веков. Аминь.

Запрещает ти Господь, диаволе, пришедый в мир, и вселивыйся в человецех, яко да твое низложи мучительство, и человеки от тоя исхити: на древе сопротивныя силы победивый, солнцу померкшу, земле поколебавшейся, и гробом отверзающимся, и телесем святых восстающим: разрушивый смертию смерть упразднивый державу имущего смерти. Сиесть: тебе Диавола.

Заклинаю тя Богом, показавшим древо живота, и с чином высшим херувима, и пламенное оружие обращающееся стрещи то, запрещен буди. О нем бо ти запрещаю, ходившим яко по суху на плещу морскую, и запретившим буреем и ветрам: егоже воззрение изсушает бездны, и прешение тает горы: Той бо и ныне повелевает ти нами.

Убойся, изыди, и устранися от создания сего, и да невозвратишися, ниже утаишися в нем, ниже срящеши его, или действующи: ни в ночи, ни в дне, или в часе, или в полудне: но отиди в свой тартар, даже до уготованного великого дня судного. Убойся Бога седящего на Херувимех, и призирающего бездны: его же трепещут Ангелы, Архангелы, Престолы, Господствия, Начала, Власти, Силы, Многоочитые Херувимы и Шестокрылатые Серафимы: его же трепещут небе и земля, море и вся яже в них, изыйди и устранися от Божьего создания сего, и верного раба Христа Бога нашего: онем бо и запрещаю, иже ходити на крылу ветрию, и творити Ангелы своя духи. Изыйди и устранися от создания сего со всею силою и ангелы своими: яко прославися Имя Отца, и Сына, и Святаго Духа, ныне и присно, и во веки веков, аминь.

Боже вечный, избавив род человеческий от пленения диавольскаго, избави раба Твоего (рабу Твою) (имя) от всякаго действа духов нечистых; повели лукавым и нечистым духом же и демоном отступи от души и от тела раба Твоего (рабы Твоея) (имя); и не пребывати ниже сокрытися в нем (ней), да бежат именем твоим святым, и единороднаго Твоего Сына, и животворящего Твоего Духа, от создания рук Твоих, да очищен быв от всякаго искушения диавольскаго, преподобно и праведно и благочестно поживет, сподобляем пречистых тайн единороднаго Сына Твоего и Бога нашего: с нимже благословен еси, и препрославлен, с Пресвятым, и Благим, и Животворящим Твоим Духом, ныне и присно и во веки веков, аминь.

Божественное же, и святое, и великое, и страшное, и нестерпимое именование и призывание творим на твое прогнание, отступниче, такожде и запрещение на твое погубление, диаволе. Бог Святый, безначальный, страшный, невидимый существом, неприкладный силою, и непостижимый божеством, Царь славы, и Вседержитель Владыка, запрещает тебе, диаволе, от не сущих во еже быте вся благолепно словом составивый, ходяй на крилу ветренню.

Запрещает тебе Господь, диаволе, призываяй воду морскую, и изливаяй сию на лице всея земли. Господь сил имя ему.

Запрещает тебе Господь, диаволе, от безчисленных небесных чинов огненных, страхом служимый, и воспеваемый, и от множества ликов ангельских и архангельских, с трепетом поклоняемый и славимый.

Запрещает тебе Господь, диаволе, окружаемый от окрест предстоящих сил и страшных шестокрыльных и многоочитых херувимов, и серафимов, лица своя двема крилома покрывающих, незримаго ради его и неизследимаго божества, и двема крилома своя ноги покрывающих, твоеже не попалитеся от неизреченныя славы, и недомыслимаго величества его, и двема крилома летающих, и небо исполняющих от вопля своего: Свят, Свят, Свят Господь Саваоф, исполни небо и земля славы Его.

Запрещает тебе Господь, диаволе, от недра отча сошедый с небес Бог слово, и от Девы святыя поклонным неизреченным, и пречистым воплощением неизглаголанно явивыйся в мире, еже спасти его, и владычнею Своею силою свергий тебе с небес, и отметив всячески показавый.

Запрещает тебе Господь, диаволе, реки морю умолкни, престани: и повелением абие проста.

Запрещает тебе Господь, диаволе, пречистым плюновеним брение сотворивый, и лишенный уд от рождения слепому создавый, и свет даровавый.

Запрещает тебе Господь, диаволе, дщерь архисинагогову словом оживотворивый, и вдовича сына из уст смерти восхитивый, и своей его матери цела и здрава даровавый. Запрещает тебе Господь, диаволе, Лазаре из мертвых четверодневно нерастленна яко неумерше и безвредна, во удивление многим представивый.

Запрещает тебе Господь, диаволе, заушением клятву испразднивый, и копием пречистых ребр своих, райское хранящее пламенное оружие оставивый.

Запрещает тебе Господь, диаволе, заплеванием честнаго своего начертания всякую слезу о всякаго лица отертый.

Запрещает тебе Господь, диаволе, водрузивый крест во утверждение едино и спасение мира, в падение же твое, и всех под тобою ангелов.

Запрещает тебе Господь, диаволе, давый глас на кресте своем, и завеса храма раздрася, и камение разседошася, и гробы отверзошася, и от века умерший восташа.

Запрещает тебе Господь, диаволе, смертию смерть. Умертвивый, и живот востанием своим человеком даровавый.

Запрещает тебе Господь, диаволе, сошедый во ад, и гробы его истрясый, и всех в нем содержимых связанных свободивый, и к себе воззвавый: егоже вратницы видевше ужасошася, и подвижницы адовый крыющеся исчезоша.

Запрещает тебе Господь, диаволе, из мертвый воскресый, Христос Бог наш, и всем воскресение свое даровавый.

Запрещает тебе Господь, диаволе, на небо со славою вознесыйся ко отцу своему, и одесную величествия на престоле славы седяй.

Запрещает тебе Господь, паки гряды со славою на облацех небесных, со святыми ангелы своими судити живым и мертвым.

Запрещает тебе Господь, диаволе, огнь неугасаемый, и червь неусыпаемый, и тьму кромешнюю уготовавый тебе в вечную муку.

Запрещает тебе Господь, диаволе, егоже вся боятся и трепещут от лица силы его, яко нестерпим есть гнев, еже на тебе прещения его: той запрещает тебе Господь, диаволе, страшным своим именем.

Устрашися, вострепещи, убойся, разлучися, потребися, бежи, падый с небесе, и с тобою вси лукавии дуси: всякий дух лукавый, дух нечистоты. Дух лукавства, дух нощный и дневный, полуденный же и вечерний, дух полунощный, дух мечтанный, дух сретательный, и земный, или водный, или в дубравах, или в трости, или стремнинах, или во двопутиях, и трепутиях, во езерах, и или в реках, в домех, во дворех, и в банях преходяй и вреждаяй, и изменяяй ум человеческий вскоре разлучитеся от создания создателя Христа Бога нашего, и отлучитеся от раба Божия (рабы Божия) (имя): от ума, от души, от сердца, от утроб, от чувств, и от всех удов его (ея), во еже быте ему (ей) здраву (вей) и всецелу (лей), и свободну (ней), знающу (щей) своего Владыку и зиждителя всех Бога, собирающа заблуждшия, и дающа им печать спасения, рождениеми обновлением Божественного крещения, во еже сподобитися ему (ей) пречистых, и небесных, и страшных его таинств, и соединитися стаду его истинному, на месте злачне вселяюшуся (щейся), и на воде упокоения питему (мей), и палицею креста спасительного и известного наставляему (мей), во оставление грехов, и в жизнь вечную.

Яко тому подобает всякая слава, честь, и поклонение, и великолепие, со безначальным его Отцем, и с Пресвятым и Благим и Животворящим Его Духом ныне и присно и во веки веков, аминь.

Всем нечистым духом запретивый, и силою глагола изгнавый легеона, явийся и ныне единородным Твоим Сыном на создание, еже по образу Твоему сотворил еси, и измие насильствованное от сопротивнаго, да помилованное и очищенное сочинится святому Твоему стаду, и сохранится храм одушевлен Святаго Духа, и божественных и пречистых святыней, благодати, и щедротами и человеколюбием единороднаго Твоего Сына: с нимже благословен еси, и со пресвятым и благим, и животворящим Твоим Духом, ныне и присно, и во веки веков, аминь.

Бог святый, страшный, и славный, во всех делех и крепости своей непостижимей и неизследимый сый: той предуставивый тебе, диаволе, вечныя муки томление, нами непотребными рабы своими повелевает тебе, и всей споспешной твоей силе, отступити от сего создания руку его. Заклинаю убо, тя, вселукавый, и нечистый, и скверный, и мерзкий, и чуждый душе, силою Иисуса Христовою, всякую власть имущаго на небесе и на земли: рекшаго глухому и безгласному бесу, изыйди от человека, и ктому да не внидиши вон: отиди, познай свою суетную силу, ни на свиньях власть имущую.

Помяни повелевшаго ти по твоему прошению в стадо свиное внити. Убойся Бога его же повелением земля на водах утверждена бысть: создавшего небе, и поставившаго горы правилом: и удолия мерилом: и положишаго песок морю предел, и в воде зельной стезю твердую: прикасающагося горам, и воздымяться: одевающагося светом яко ризою: пропинающего небо яко кожу: водами превыспренняя своя: основавшего землю на тверди ея, и непреклониться во век века: призывающего воду морскую, и приливающего ю на лице всея земи: изыйди и устранися от создания его.

Заклинаю спасительною страстию Господа нашего Иисуса Христа, и честным Его Телом и Кровию и пришествием Его страшным: придет бо и не умедли, судяй всей земли: и тебе, и содейственную твою силу умучит в геене огненной, предав в тьму кромешнюю, и деже червь неусыпает, и огнь неугасает: Яко держава Христа Бога нашего, с Отцем и Святым Духом, и ныне и присно и во веки веков, аминь.

Призываем тя, Владыко, Боже Вседержителю, вышний, неискусимый, мирный Царю: призываем тя, сотворшаго небо и землю, от тебе бо произыйде Альфа и Омега, сиесть: Начаток и Конец. Предавый человеком в послушание четвероножныя и безсловесныя животныя, ты бо покорил еси сия Господи, простри руку твою крепкую, и мышцу твою высокую и святую, и присещением твоим святым посети создание твое сие, и низпосли ему Ангела мирна, Ангела державна, души и тела хранителя, яко да запретит и отженет от него всякого лукавого и нечистого демона: Ты бо еси Господь един высокий Вседержитель, благословенный во веки веков, аминь.

Заклинаю тя, душе враждебный, вседержителем Богом.

Заклинаю тя Духом, вдохнувшим человеком живот вечный его же Имя страшно, и усты человеческими неизглаголенно.

Заклинаю Тя грядущим огнем, и жупелом и песком и трубою, ему же явлшуся солнце побежит на запад, и звезды спадут на земли, и восплачутся вся племена и людие. Заклинаю тя ходившим по морю, и укротившим волны его.

Заклинаю тя повелети хотящим морю, издати вся в нем истопившияся, и земли в ней лежащих мертвых представити живы на суд Богу.

Заклинаю тя повелевшим морю непреступати предела своего, дондеже прииде Господь судити миру.

Заклинаю тя сошедшим на Синайскую гору, и глаголавшим с Моисеем и Аароном, и явльшимся има в пламени огненном, и в столпе облачном.

Заклинаю тя изведавшим люди своя от земли Египетския, и давши им из камени сладкую воду питии, и претворившим воду в кровь.

Заклинаю казнившим Египта Моисеем десятью язв.

Заклинаю тя поразившим первенца Египетския.

Заклинаю попалившим Содому и Гоморру, и пять градов иных одождением с небесе огненаго града.

Заклинаю тя седящим на престоле славы, пред ним же огнь течет, и ему же престоят тьмами тем Ангел, и тысячи тысяща Архангел, и Серафими вопиющи: Свят, Свят, Свят, Господь Саваоф, исполнь небо и земля славы Твоея, благословен еси во веки, аминь.

И ты, душе лукавый, аще не хотя воздаждь славу Имени святому его, и деже аще седиши в удеси тела создание его: или в главе, или в темени, или в брове, или в очию, или в ушию, или во устех, или в языцех, или в выи, или в плещу, или междуплещима, или в мышца, или в персех, или в души, или в сердце, или в селезне, или в плюцах, или в чреве, или под чревом, или в точиле, или в естественных, пределех, или в крепости, или в жилах, или в коленах, или в лыстах, или в голени, или в руку, или в ногу, или в жилицах. Или в кровавици, или в костех, или в мозгу, или в крови, или в власех, или в ногтех, или во всем теле, отлучися устранися и изыйди, душе лукавый. И даждь славу Богови, яко Господь сильный над всеми есть: ибо клястеся и деже аще кто призовет Имя Господне, еже ищезнути вам.

Заклинаю тя Именем Господа Иисуса Христа, Распеньшагося при Понтийстием Пилате. Заклинаю тя рекшим: небо мне престол есть, земля же подножие ногама моима.

Заклинаю тя Архангелами его, Михаилом и Гавриилом, Уриилом и Рафаилом.

Заклинаю тя Великим Именем Сына Божия, отлучитися от создания сего, и ниже с ним ясти, ниже сложну бытии с ним, но дати славу, и службу Имени святому его.

Заклинаю тя, всеобразное на злострадание, и нападение дневное и полунощное, идеже аще еси, отлучися от создания сего, и неизведи душу, ни разсыпили, ни разруши тело его. Но остави его чиста и жива Богу на службу.

Заклинаю тя грядущим утвердити престол между небом и землею, и судити всему роду человеческому. Праведным же и грешным. Ты убо, душе нечистый, убойся Имени Святаго его, и отиди от создания сего. Убойся огня неугасимого, убойся родства огненнаго всепоядающего: Убойся уготовавшего тебе огнь и жупел и пекло губителеви: Убойся явльшагося Моисеови и Ааронови на горе Синайстей. Убойся явлшагося Иоанну на реце Иорданстей, его же видевши река убояся, и уступи, и возвратися воспять: И ты душе лукавый убойся, отступи и устрашися от создания сего.

Заклинаю одеющимся от создания сего.

Заклинаю одеющимся светом яко ризою, единем имеющим бессмертие: Тому бо подобает всякая слава, честь, и поклонение Отцу, и Сыну, и Святому Духу, ныне и присно и во веки веков, аминь.

Заклинаю тя, гордыне и всякой злобы лукавства же и отступничества изобретателю и начальниче диаволе, превеликим, предивным, преславным, страшным и неизреченным, чести всякоя и поклона достойным, великолепным именем единого в Троице Святей славимого и поклоняемого Отца, и Сына, и Святаго Духа, небо и землю и вся яже на них видимыя и невидимыя, и тебе добра и Света от небытия сотворшаго, гордости же ради и возношения твоего извергшагося и всех споспешников твоея злобы нечистых духов с небес, и узами мрака связавшим: убойся сего, осужденниче, и скоро изыйди от создания его.

Заклинаю тя, вселукавый враже человеческого рода, древний змию, превеликим и страшным именем Господа нашего Иисуса Христа, ему же всяко колено небесных, и земных и преисподних, с трепетом покланяется: убойся сего, проклятый низвержиниче, изыйди, устранися, и отиде от создания сего.

Заклинаю тя и запрещаю ти спасительным воплощением Господа нашего Иисуса Христа, и преславным его от присно Девы Марии Рождеством, имже ключа девства невредив, цела сохрани: убойся сего истины сопротивниче и отиди от создания его.

Заклинаю тебе, всех злых искусителя, плотию осмодневно обрезавшимся Господем, и четыридесятаго дне Девою Материю в Иерусалим приведенным, и на объятиях праведного Симеона возлегшим, и дванадесятолетним возрастом сый возшедшим в Иерусалим, и посреде учителей седшим, и разумом своим Божественным, и ответы предивными всех послушающих удивившим: убойся сего, отступниче мерзкий, и скоро изыйди.

Заклинаю тя, скверный демоне, Господем во Иордане плотию крестившимся, и Духом Святым в образе голубином сошедшим нань, и гласом Отчим с небесе бывшим: ты еси Сын мой возлюбленный, в тебе благоволи: убойся сего, безстудный лестниче, и отиди и к тому не возвратися.

Заклинаю тя, погибельный душе, четыредесять дней, и четыредесять нощий постившимся, и твое искушение, диаволе, победившим, рек: неискусиши Господа Бога твоего: убойся сего, всякоя лжи отче, и абие от создания сего устранися.

Заклинаю тя, диаволе, Богом воплощенным, на земли явлшимся, и с человеки пожившим, несчетныя благодеяния сотворившим, и путь спасения мирови показавшим, и повеления спасительная давшим, и бесы словом прогнавшим, и различныя недуги исцелившим: убойся сего, адский вселукавый смоче, встрепещи и устранися.

Заклинаю тя, адский всепагубный льве, прокаженная очистившим, слепыя прозрети, немыя глаголати, глухия слышати, хромыя ходити, расслабленныя востати сотворившим, и мертвыя воскресившим: убойся сего исконный человекоубийцо Диаволе. И скоро с трепетом отбежи.

Заклинаю тя, прегордый лукавства рачителю, смирения путь нам показавшим в низложение твоея высокия гордыни, умовением ног святым своим учеником и апосталом: убоися сего гордынею вознесыйся, и до ада низвержением смиривыйся, и абие изыйди и бежи.

Заклинаю тя, всякого суровства и немилости исполненный мучителю, на тайной своей вечери преестественно существо хлеба в тело свое Пресвятое, и существо вина в кровь Свою пречестную претворивый, и верным своим в снедь и питие во оставление грехов подлавый, и сие творити в свое воспоминание повелевый: убойся того, всех ересей изобретателю и нечестия всякаго кореню, Диаволе, и ничто же умедли, но абие изыйди и устранися.

Заклинаю тя, всех грехов и погибели источниче, безкровную страшною животворящею же Жертвою Тела и Крове Господа нашего Иисуса Христа, еюже вернии спасаются. Ты же и погибельная твоя сила испражняется, убойся сея, непокоятельная злобо, мерзкий и нечистый душе, и бежи от создания сего.

Заклинаю тя, зависти, глубинно преестественною в вертограде Молитвою Господнею, и каплями крове, яко пот от Пречистаго Тела его на земли капнувшими: убойся сих доброненавистниче, и погибели сыне, и скоро изыйди.

Заклинаю тя, прелести всякия источниче, изволившим тя, связан биен и веден к Анне, и Каиафе, заушен же, оплеван, и люто мучим обнощь, бытии, и Пилату представшим, и от него много истязанным, мучимым же и у столпа наго связанным и битым, в хламиду наругания облеченным, венцем терновым обложенным, Тростием по главе биенным, от Ирода укоренным и поруганным, и на смерть от Пилата осужденным: убойся сего древняя злобо, всякия муки достойный, и его лютых болезней и страшных, нам же спасенных мук, имиже твою немощную силу сокруши, и вострепетав в бегство претворися.

Заклинаю тя, с небесе спадшая деннице, на смерть ведомы Господем, и Крест свой понесшим, и многая уничижения и раны тогда отведущих его спасения нашего, погибели же твоея ради претерпевшим.

Заклинаю тя, безстудный оболгателю и клеветниче, наго на Кресте посреде двою разбойнику распятым, и четырма гвоздьми пригвожденным, отцом и желчию напоенным, и лютыми и неизглаголанными болезньми его, яже на Кресте нашего ради спасения, осуждения же, твоего дела волею претерпе, и святыми Пречистыми Кровий его нещадными излиянии: убойся сих, Божий враже и лукавствия источниче, ужаснися и абие изыйди.

Заклинаю тя, безстыдный оболгателю и клеветниче, седьмию словес Господних на Кресте на спасении наше, на твою же вечную погибель изреченными, и животворною его смертию, ею же мы ожихом, ты же умервшлен еси: убойся сего, всякия благодати вечного очужденне, востени и скоро ищезни от создания сего.

Заклинаю тя, всякоя правды противниче, тем его же солнце на кресте висяща видевшее померче, и земля встрепета, и завеса церковная раздрася, и его же силою камение распадошася, и гробы отверзошася, и телеса усопших святых воссташа, и по воскресении его внидоша в святый град, и явишася многим: убойся сего суровый мучителю, и лукавства бездно, и скоро изыйди и устранися от создания его.

Заклинаю тя, развратниче вселукавый, прободением Пречистаго ребра Господня, изнего же истече Кровь, и вода, в наше спасение и обновление, в твое же конечное сотрение, и силы твоея сокрушение: убойся сего огня вечнаго вещество, и скоро устранися.

Заклинаю тя, безчиния всякого и раздоров изобретателю, Боготелесным Господа нашего Иисуса Христа погребением, и всесильным его в ад с душею и Божеством сошествием, иже тамо силою своею Божественною возлобе сильного злоночальника связа, и силу твоея злобы испраздни, и души праведных тамо связанных плени, и собою яко силен в крепосте изведе: убойся сего, вечнаго Божьего гнева наследниче, и скоро от создания его отиди. Заклинаю тя, крамольниче наветливый, смертию смерть поправшим, и твою мучительскую державу разрушившим, преславно же из мертвых силою своего Божества самовластно Воскресшим Господем нашим Иисусом Христом, убойся сего крепкаго Победоносца, Божий сопротивоборче и погибельный сосуде, и трепетно вскочив, устранися.

Заклинаю тя, клятвы и осуждения наследниче, по воскресении своем, Апостолом своим преславно плотию явившимся, и мир свой тем и власть свою на прогонение тебе давшим, и с ними рыбы печены и от пчел сот ядшим, и Фому прикосновением своих пречистых ребр, ручных же и ножных язв уверовавшим, и четырядесять дней на земли пребывшим: убойся сего, вечныя смерти повинниче, и скоро изыйди, и далече отскочи от создания его. Заклинаю тя, мерзкий и всякия нечистоты исполненный душе, плотию вознесшимся на небеса Господем нашим Иисусом Христом, и на престоле славы одесную Бога Отца седящим, и в скончании дний Пятьдесятница по своему неложному обещанию Духа Святаго от Отца исходящего, на своя Апостолы в огненных языцех низпославшим, и тех Богоразумением, темиже весь мир просветившим, и от Идолослужения к себе обратившим, тебе же и твою лесть испразднившим: Убойся сего, всякоя злобы неистощимая пучино, вострепещи, убойся, и отбежи.

Заклинаю тя, напрасный, свирепый, и напыщенный душе, паки со славою многою на облацех грядущим судити живым и мертвым великим Богом и Спасителем нашим Иисусом Христом, тебе же и всю споспешную злобную твою силу вечному огню в нескончаемыя веки предати хотящим: убойся сего, душехищный зверю, огня же геенскаго и вечныя муки виновниче, изыйди, что медлиши, небесныя брани побежденный начальниче, отступи, Божий отступниче, устранися, Богом побеждение хульниче, бежи, Христом испражненный и попранный враждоначальниче, Бог сильный в крепости, и крепкий в силе, страшный в бранех, и дивный в чудесах, той тебе милости недостойному, всякия неправды исполненному, и светоносия небесного лишенному прелестнику, крепко и грозно мною недостойным рабом своим повелевает, отиди абие от создания сего, в пустая и безводная места, и деже ниже человек, ниже зверь обитает, и к тому во веки веки не возвратися к нему: Яко сила и держава, царство и слава, Христа Бога нашего со безначальным его Отцем, и с Пресвятым, и Благим, и Животворящим его Духом, ныне и присно и во веки веков. Аминь.

Благодарим Тя, поем, славим и величаем крепкую и великолепную силу державы власти Твоея Господи Боже Отче Вседержителю: яко премногих ради Твоих неисчетных щедрот, и человеколюбного Твоего милосердия, изволил еси избавити и свободити раба своего (или рабу свою) (имя): от обдержавшаго и мучившаго его (или ея) нечистого духа: и смиренно рабски припадающе, прилежно Твое благоутробие молим, да не к тому дух лукавый власть имать над ним (или нею), но бегая, да бежит, и далече устраниться, и ктому да не возвратится. Да вселишися вонь (или вню), Господи всемилостивый, Тебе благоизволяющу, благость и мир единородного Твоего Сына, Господа же нашего Иисуса Христа, им же искуплении быхом от работы вражия, и всякаго зла неубоимся, яко с нами Господь и благодать Святого Духа да укрепит, и утвердит его (или ее) во всяком деле благом, творити волю Твою благую, благоугодную же и совершенную во вся дни живота его (или ея) и Тебе со всеми верными славасловити и величати, с единородным Твоим Сыном, и Всесвятым, и Благим, и Животворящим Ти Духом, ныне и присно, и во веки веков. Аминь.

Господи, Иисусе Христе, Боже наш, превечный и соприсносущный, безначального Отца Живаго Бога Сыне, безначальных его недр не отлучайся, с небес сошедый, и человек непреложно бывый, яко да человека от прелести и мучительства диавола свободив себе присвоиши: и яко да бесовская вся злодеяния испраздниши, святым своим учеником и апостолам власть дал еси, еже наступати на змия и скорпия, и на всю силу вражию: Тебе ныне недостойные раби Твои прилежно молим: призри милостивно на дом сей (или на место сие) злокознием лукавых человек, и волшебных их обованием очародеянный (или очародеянное), лукавством же диаволим оплазняемый и обуреваемый (или оползняемое и обуреваемое место) и всемощною ти силою человеколюбно вся сия раждени (разгони) и в ничто же обрати, яко да безпакостно от них верни раби Твои зде обитающии и скоты их в славу Твою пребудут. Твое бо есть еже миловати и спасати нас, Боже наш, и Тебе славу возсылаем, со Безначальным Ти Отцем, и со Пресвятым и Благим, и Животворящим Духом, ныне и присно и во веки веков. Аминь.

Заклинаю вас, вселукавии злоначальницы, проклятий мерзскии бесове, иже аще кто есте, и елико вас есть, иже обаяниями, чародейвы же и злотворными деяний отдавшаго себе вам лукаваго человека приведени бывше, дом сей обуреваете, и злыми мечты и оплазнствы своими, живущих в нем, оскорбляете и озлобляете: и о всесильном и всемощном имени единаго Вседержителя Бога, в Троице Святей славимаго Отца и Сына и Святаго Духа; и в силе Честнаго Животворящего Креста, и всех спасительных страстей, и животворная смерти Господа Бога и Спаса нашего Иисуса Христа, еюже вся темная ваша власть, и лютое над человеки, и всеми созданиями Божиими мучительство испразднено и уничтожено есть, крепко повелеваю, яко ты отныне со всеми волшебствы, обаяния же и чародействы вашими, от дому сего скоро отбежите, и к тому никакоже никогда же вспять возвратитеся, ничтоже убо медлите.

О проклятии низвержинницы, но обратитеся вспять и скору оттуду со всеми злодеяниями вашими далеки отбежите, и дадите место Божией силе, Своим неизчетным милосердием, и благодатию разрушающей злодеяния ваша.

Да запретит вам перст Божий, Фараоновых волхвов обояния, и волшебныя мечтания бездельна сотворивый, и тех мучевый.

Да запретит вам Той, Егоже сила запрещением Павла Апостола немощную вашего лукавства силу в Елиме волхве всякия лести и злобы исполненном, вразе же всякия правды и диавольском сыне имже вы многих повреждаете, и пути Господня правыя развращати потшистеся, обличи, посрами, испраздни. Да запретит вам Той, о Егоже имени Павел Апостол запрещением Духа пытливаго от откровицы оныя изгна яже волшебством своим стяжение велие даяше Господем своим.

И якоже на святую Иустину Креста знамением, и на нем распятого Христа Бога нашего силою огражденную, обаяющу и вас убеждающу Киприану, ничтоже успе, но страхом и трепетом одержими отбегосте. Сице и ныне да нападет на вас, и обымет вы ужас, трепет и страх Бога Вседержителя Отца и Сына и Святаго Духа, хотящего вас низринути в огонь вечный и безконечно в нем мучити. Аминь.

По прочтении этого заклинания нужно взять заранее приготовленную святую воду и кропить ею весь дом и подворье. Во время окропления святой водой нужно говорить следующие слова:

«Да обегут, и отступят от дому сего (или квартиры сей) вся лукавая диавольская обояния, чародеяния и волшебная действа, окроплением воды сея священныя, и во ничтоже да обратятся и исчезнут: во имя Отца и Сына и Святаго Духа. Аминь».

Господи, Иисусе Христе, Боже Наш, советом превечного Ти Отца, и соприсносущного Ти Духа, милосердия ради милости и еже к человеком неизреченныя любви с небес съшедый, и действом Пресвятого Духа от Пречистыя Девы Марии воплотивыйся, и человек совершенный, Бог сый истинный бывый, яко да диавольскую всю испразднивши силу, и от мучительства его создание Твое свободиши, святым Твоим учеником и апостолом, и теми другоприимательне всем верным Твоим, паче же Иереом (священникам) власть дал еси.

Еже наступати на змию и скорпия, и на всю силу вражию, и еже от создания Твоего изгоняти бесы: Тебе ныне недостойные рабы Твои прилежно молим, призри на создание Твое сие, злокознием лукавых человек, и волшебным их обованием очародеянное, обуреванием же и насильством диаволим гибнущее, и всемощною Ти силою человеколюбно вся волшебства и злодеяния сия, и обуревания злоначального врага от него отжени, и в ничтоже обрати, и даруй им яко живота источник здравие, яко да и в бессловесных Твое благодеяние явится, в словесных же верных рабех Твоих Твоего милосердия нами ищущих, Твое всесвятое и великолепое имя славится, с безначальным Ти Отцем, и со Пресвятым и Благим и животворящим Ти Духом, ныне и присно, и во веки веков. Аминь.

Заклинаю вас, вселукавые злоначальници древни змиеве, проклятии же и мерзкие бесове, иже аще кто есте, и елико вас есть, иже обованиями чародействы же и злокозными деянии от давшего себе вам лукавого человека приведении бывшее, создание сие Божие обуреваете, и лютым своим мучительством погубляете, и всесильным и всемощным Именем единого Вседержителя Бога, в Троице Святой славимого, Отца, и Сына, и Святаго Духа, и в силе Честнаго и Животворящего Креста, и всех спасительных Страстей и животворная смерти Господа Бога и Спаса нашего Иисуса Христа, ею же вся темная ваша власть и лютое над человеки и всеми созданиями Божьими мучительство испразднено, и уничтожено есть.

Крепко повелеваю, яко да отныне со всеми волшебствы обованиями и чародействы вашими от создания сего Божия скоро отбежите, и к тому никакоже николиже воспять возвратитеся. Ничтоже убо медлите о проклятии низвержинници, но обратитеся воспять, и скоро оттуду со всеми злодеянии вашими далече отбежите, и дадите место Божьей силе, своим неисчетным милосердием и благостию разрушающей злодеяния ваша.

Да запретит вам перст Божий, фараоновых волхвов обояния, и волшебныя мечтания бездельны сотворивый, и тех мучивый.

Да запретит вам той его же сила запрещением Павла Апостола, немощную вашего лукавства силу в елимме волхве, всякия лести и злобы исполненном вразеже всякия правды, и диавольском сыне, имже вы многих повреждасте, и пути Господня правыя развращати потшастеся, обличи, посрами, и испразни.

Да запретит вам той, о егоже Имени тогожде Павла Апостола запрещение, духа пытливаго от отроковицы оныя изгна, яже волшебством своим тяжание велие даяше господем своим. И якоже на святую Иустину, Креста знамением, и на нем распятого Христа Бога нашего силою огражденною обовающу Киприану, ничтоже успесте, но страхом и трепетом одержими отбегосте: сице и ныне да нападет на вас и обыймет вы ужас, трепет и страх Бога Вседержителя, Отца, и Сына, и Святаго Духа, хотящего вас низринути в огнь вечный, и безконечно в нем мучити, аминь.

Совершающий это заклинание должен читать только тех животных, которые наносят вред участку (полю, огороду…) на данный момент, наименования же прочих читать не положено. Связано это с тем, что могут погибнуть сразу все животные и насекомые, в том числе и полезные (пчелы и т. д.).

Заклинаю вас, многовидные зверие, червие, гусеницы, хрущи, и прузи, мыши, щуры и критица, и различная роды, мух, и мушиц, и молий, и мравий, овада же и ос, и многоножниц, и многообразные роды ползающих по земле животных, и летающих птиц вред и тщету нивам, виноградом, садом же и вертоградом наносящия, Богом Отцем Безначальным, и Сыном Его безначальным и единосущным, и Духом Его Пресвятым, Отцу и Сыну единосущным и с Пресвятым Животворящим.

Заклинаю вас вочеловечением единородного Сына Божия, Господа нашего Иисуса Христа, и пожитием Его на земли с человеки, страстию же Его спасительною, и животворную Его смертию, и тридневным Его воскресением, и на небеса Вознесением, и всем Его Божественным спасительным смотрением.

Заклинаю вас и святыми многоочитыми Херувимы, Шестокрылатыми Серафимы, летающими окрест престола, и воспевающими Свят, Свят, Свят Господь Саваоф.

Заклинаю вас святыми Ангелы, и всеми силами небесными, и тысячами тысяч, иже с многим страхом предстоят славе Господней, да не обидите винограды ни нивы, ни вертограды, ни древеса, ни зелий раба Божия (имя хозяина земли, огорода…), но отидите на дивыя горы, на неплодная древеса, наняже даровал есть вам Бог повседневную пищу.

Заклинаю вас Честным Телом и Кровию Господа нашего Иисуса Христа, истиннаго Бога и Спаса нашего, имже спасение дадеся нам и искупление, о Егоже имени мученицы святые умроша, да не обидите ни нивы, ни винограды, ни всякое древо плодовитое, и безплодное, и ниже лист зелий да не обидите от окружения предела, и места раба Божия (имя хозяина земли, огорода…), но отидите скоро от места сего, исчезните и погибните, умалитеся, и час от часа безвестни будите, ищезающе и погибающее от мест и предел рабов Божих, правоверно призывающих имя истиннаго единаго Бога в Троице Святей славимаго Отца и Сына, и Святого Духа, благословенно сущее, ныне и присно, и в безконечныя веки веков. Аминь.

Эту молитву можно читать для защиты или избавления от колдовского воздействия или прямого воздействия бесов при подозрении, что вы таковому подверглись.

Аз окоянный раб Божий (свое имя) припадаю к всем святым, моляся им. Иже суть от сотворения всего мира. Подвигом великим угодили Богу и трудом многим победили дьявола, врага человеческаго рода, и попрали его ни во что же створше (вместе) с всеми бесы его, примете мя, грешнаго, к себе, и отимите мя от врага моего, о ужасающего душу мучающего мое тело, и спасите от иноудь всего, избавлеше от него вы, можете во благодатью и поспехом Святаго Духа всельшагося в вы святынею вашею, наши угодниче Божие, иже еси живе оттоле и доныне и будише на обличение диаволье в последняя дни, обличи и ныне отгнав его от мене.

Помозите мне, окоянному, благодетельниче мои праведниче, Божие благовестниче с чады своими, спаси мя правдою твоею, отгнав от мене великий грех, и погрузи и потопом якоже и древний грех. Мене храня якоже и племена древним ухрань. Аврааме, отче нареченный Божий друг истинный, якоже еси просил спасения у Бога не многими, но малом праведник многом бежать от мене кроме врази мои, Иакове, возлюбленный из чрева матерня, Израилю уме чистый зряи Бога оперит мене пятою твоею лукавою змию. И знаменаи мя крестным знамением. Якоже внука своя благослови и знамена образом сим. И освятив мя, запрети, да ко мне не неприближится лукавствиями своими.

Иове иже еси возлюбил Господь Бог свои благоверием своим и того ради нареклся еси любовь Господня. Помолися за мя якоже за други своя. Да мя избавить тобою от глубокого змия, хотящяго мя поглотити, якоже и тя избави от всех напасти твоих приражешихся тебе, яко се волнам многам и великам камянем стене.

Моисею, велики кротки якоже израильские люди жезлом твоим знаменавающим крестное знамение. От лукавыя сатаны, гнездящаяся в Египте. Погружю в пучине морстей. Якоже тогда фараона в мори чернеем с темными егептяны. Победи гордого Амалика в пустыни. Крестною силою огради мя, Иисусе, спасения воеводо, и побежая якоже иноплеменныя языки на спасение помогали мне. Секий оружием твоим враги Господня от лица моего раба христова (свое имя), воюющаго на мя. Преведи мя по сухому чрес (через) иорданскою рекою на землю обещания Божьего с новым Израилем.

Самоиле, призываяй Господа на всяку помощь послушаше тебе милостью своею. И благословив мя помажи мастью Святого Духа якоже и пастыря Давида помаза и посла и на злыя духи прогонит их псальмскими песньми своми оба на десять святые пророци Осия, Амос, Михее, Иоиль, Иона, Авдия, Наума, Аввакума, Софония, Аггея, Захария, Малахия, и друзи четыре велиции столпы сущее и в образе четырех евангелистов.

Исаия, Иеремия, Иззекиль и Даниил и вси вы в купе умолите за мя Господа проповеданного вами избавите мя видимых и невидимых враг моих, поступающих на мя всеми козньми и в злых мыслии место и беседе и детелии. И нечистых дух и наполнити весь состав мой Пречистаго Духа, гнездящегося в вас. Егоже ся исполньше прорицасте глаголющее бывших и не сущих и будущих. И прозряще дальняго яко ближняго от первем пришествии Господа нашего Иисуса Христа Эмануила. О втором и светлеем явлении его с небес паки придущь и от всех величьствиих Божества Его. И о последней кончине егда хощет (хочет) в несконечную муку вовреши. Гордый ум и неприязнь диавол со всеми оступными и бесовскими духи в вечную страть (погибель).

Илия, пророче святый служебниче Божий, якоже рвением Господним прогнав от Израиля погубив мерзкия служебники неприязнины с всеми детельми его. И того ради преставлен еси на Раи и доныне и будеши до последних дней храним на обличение злобы его да тако же и ныне прожени его от мене в пагубу вечную.

Святый Елисею, пророче сугубый, чудотворче, исцели мя, злаго недуга избавь. Якоже воды исцели не творяща плода. Да бых и аз плод правды Божия сдрав.

Святые ученицы Господни оба на десять апостола Христова ихже имена написана на небесех. Имже есть сести оба полы Христа на суднем дни судящее всем языком. Петре, Павле, Якове, Иоанне, Андрею, Филиппе, Фома, Варфоломей, Матфею, Иякове Алфеев, Симон Зилот, Иуда Ияковль. Приемши власть от превечного Сына Божьего. Наступати на змию и на скорпию, и на всяку силу вражию и целити всяк недуг и всяку язву в людиех и во всех странах, сквозь же ня проидосте выжините из мене, прожените от злую силу диаволью и вся козни его и врачевавшее мя исцелите, наполняющее мя вашими молитвами Святого Духа телесного и духовнаго.

Святые страстотерпцы Христовы, световавше вси о божестве Его: Стефане, первый дьяконе, мучениче Георгие, Феодоре, Димитрие, Нестере, Меркурие, Самоне, Авиве. Святии мученицы божественные: Вите, Лаврентие, Флориане, Христогоне, Зоиле Вонифатие, и святии младенци избиенные Христа ради и иные вси и прочии сущии бесчисла мученицы. Иже есте вашими муками выгнали диавола из всего мира. Искорени лесть идольскую. А кровьми вашими землю помывшее очистили. Исчистите мя, плененаго грехи моими. И от тьмы мя пленения избавите от него вашими страстными муками и святым терпением.

Святые врачеве Господни чудотворцы Божии: Козьма и Дамиане, Ермолае, Пантелеимоне и Аввакуме, Иоанне. Еже есте благодатию Господнею прияли (получили) дар исцеления. Туне целите не токмо человеки, но и скоты. Исцелите мое тело и душу от всех злых моих напастей. Святии исповедницы вси святи неотвергшиеся в напастех Бога, но исповедавшее с дерзновением Господа нашего Иисуса Христа веру его пред многими мучители и губители. Избавьте мене моих злых всех.

Святый Клименте, святый Дионисие Агреопагите, Григорий чудотворче, Силевестре, Амвросие, Иерониме, Мартине, Иераме, Киприане, Василье, Николае, Иоанне Златаусте и вси прочии сущее бесчисла святии. Святые мученицы иже есте в немощи своей терпением крепким победили и хваливыя многоглаватыи и многохобытныя мнящиися в вас и в тех свою силу имети отсекши вашими молитвами и отимите мя истергше из него.

Святая Фекла первомученица, Анастасия потвороизбавьнице (избавительница) от потвор (бесов, колдовского воздействия), Ефимия, Евгения, Варваро, Иульяния, Феврония, Агафия, Луция, Каликия, Фелицита, Вальпурга, Марина, Маргарита и прочая вся святи мученицы.

Святии отцы наши иже есте победили молитвами вашими непрестанными песньми (песнопениями) псаломьскими. И постом видимыя враги наша и невидимыя. Обличеше немощьною силою их яко перст попрали и ни во чтоже вменьше молитвами вашими отимите мою душу немощьную от них и ухраните (сохраните) мя всего.

Святый Антоний, первый пустынниче Павле, Еремей, Юфимий, Преподобный Савво священный, Ларионе отче, и Феодосий, данный Богом, Симеоне столпниче, Венедикте блаженный, Ефреме славный, с всеми святыми и преподобными отцы, и прочими иже суть бесчисла.

Святый Иоанне пророче (Предтеча) и Крестителю сугубый проповедателю иже еси болий всех роженных женами. Емуже есть Богом дана благодать молити за вся. Моли и за мя, окаянного и грешнаго раба Божия (свое имя), и соблюди мя от всего зла моего.

Святыя вся небесныя и бесплотныя силы; святии ангели и архангели, поконьници Владыки и силе господствия, Серафиме и Херувиме. Престоли закрилите мя вашими святыми пламенными крылы всюду. От сотонаила и вельзаула, свергшагося от вас гордынею своею. Да ся не приближет ко мне вся дни живота моего.

Святая Мария Богородица Госпоже, из нея же изволил родитися плотию в человеки Иисус Христос, Сын Бога Живаго, избавления нашего ради избави мя тоя беды моея. Смиренного и удрученного моими грехи и многими напастьми уневша защити мя. От враг моих щитом покрова твоего и ходотайством твоим к Сыну твоему Иисусу Христу Богу нашему. Якоже всяческая слушают и трепещют видимая и невидимая. И ступают противныя и непротивныя, тому бо есть слава и хвала с Отцем и Святым Духом, всегда и ныне и присно во веки веков. Аминь.